Украіна і Польшча дамовіліся аб спрашчэнні рэверсу газу
- 14.04.2014, 19:01
- 4,942
«Укртрансгаз» і Gaz-System S.A. падпісалі дамову, якая ўдакладняе парадак перадачы вытворча-тэхнічнай інфармацыі паміж кампаніямі.
Пра гэта распавяла прэс-служба НАК «Нафтагаз Украіны», паведамляе РБК-Украіна.
Такім чынам, тлумачаць у кампаніі, істотна спрашчаецца парадак афармлення сутачных аб'ёмаў прыроднага газу, які пастаўляецца ў Беларусь рэверсам праз ГВС (газавымяральную станцыю) Германавічы з тэрыторыі Польшчы.
«Гэта пастанова прыводзіць дамоўленасці паміж двума аператарамі ў адпаведнасць з нормамі еўрапейскага энергетычнага заканадаўства. Дзякуючы гэтым зменам значна спрашчаецца працэдура імпарту газу ва Украіну», - адзначыў кіраўнік НАК «Нафтагаз Украіны» Андрэй Кабалёў.
Паводле дамоўленасці, размеркаванне аб'ёмаў будзе ажыццяўляцца ў адпаведнасці з Кодэксам размеркавальных сетак, паводле наступных прынцыпаў:
- Сутачныя аб'ёмы, налічаныя карыстальнікам газатранспартных сістэм пры пастаўцы праз ГВС Германавічы, будуць раўняцца зацверджаным намінаваным аб'ёмам;
- Розніца паміж сумарным намінаваным аб'ёмам для ўсіх карыстальнікаў у кожным месяцы і фактычным аб'ёмам газу, пастаўленым праз гэтую ГВС, будзе размяркоўвацца паміж усімі карыстальнікамі прапарцыйна іх зацверджаным намінаваным аб'ёмам.
Паведамляецца, што новы парадак будзе дзейнічаць з 14 красавіка 2014 года. Пастаўкі газу ва Украіну праз ГВС Германавічы ўпершыню адбыліся ў лістападзе 2012. Агульная прапускная здольнасць для пастаўкі газу ва Украіну на гэтай ГВС складае 1,5 млрд куб.м у год.