Журналісты высветлілі імя расейскага куратара тэрарыстаў
23- 14.04.2014, 21:10
- 31,503
Расейскім кіраўніком сепаратыстаў з запісаў СБУ апынуўся палітолаг Аляксандр Барадай.
Менавіта яму належыць тэлефонны нумар, пазначаны СБУ ў запісах. Там ён называецца «Аляксандр з Расеі», паведамляе «Украінская праўда».
Менавіта гэтае імя назвалі некалькі незалежных адзін ад аднаго расейскіх журналістаў. Акрамя таго, голас чалавека з запісаў СБУ вельмі падобны на голас Аляксандра Барадая, які запісаны на адным з відэа, што ён запісваў як палітолаг. Адно з такіх відэа датаванае 21 лютым гэтага года, калі пасля расстрэлу на Майдане было падпісана пагадненне паміж апазіцыяй і Януковічам.
Відэа называецца «Як падзяліць Украіну». У ім Барадай прызнаецца, што добра ведае Украіну і шмат там бываў.
Як распавядаюць некалькі незалежных адна ад адной крыніц, якія знаёмыя з расейскай палітыкай, Барадай з'яўляецца піярцам, які займаўся пытаннем Крыму», а цяпер займаецца пытаннем Данецка».
Крыніцы характарызуюць яго, як чалавека, які «вазіў Аксёнава ў Крэмль».