Сабекошт Samsung Galaxy S5 ацанілі ў $256

Аналітыкі IHS паспрабавалі высветліць сабекошт новага флагманскага смартфона Samsung Galaxy S5.

Яны падлічылі, што кошт усіх камплектуючых смартфона і яго зборка абыходзяцца Samsung у $256, што на $12 вышэй сабекошту Galaxy S4, піша mobiset.ru.

Найбольш важкі ўклад у гэтую лічбу ўносіць 5,1-цалевы сэнсарны full HD Super AMOLED дысплей Samsung Galaxy S5, які каштуе $63. Яшчэ ў $33 абыходзяцца аператыўная і ўбудаваная памяць смартфона, а яго сканэр адбіткаў пальцаў апынуўся на здзіўленне танным - $4, тады як сканэр у iPhone 5s каштуе на $11 даражэй.

Вытворцам сэнсара Galaxy S5, які адказвае за пэўныя частоты сардэчных скарачэнняў, стала кампанія Maxim, якая прадае яго Samsung за $1,45. А зборка смартфона дадае да яго кошту каля $5.

Нагадаем, сярэдні кошт навінкі без прывязкі да сотавых аператараў складае каля $600, хоць у ЗША па некалькіх прычынах цэннік знаходзіцца на ўзроўні $700 за версію SIM-free.