Тэрарысты абклалі данінай данецкіх бізнесменаў
10- 16.04.2014, 12:09
- 22,570
Сепаратысты патрабуюць ад бізнесменаў плаціць ім адзіны падатак у 70 даляраў ЗША штомесяц.
Таксама яны заяўляюць пра ўвядзенне прадуктовых картак і ўсеагульнай мабілізацыі. Парушальнікаў сваіх пастаноў сепаратысты абяцаюць "выселіць да бендэраў з канфіскацыяй маёмасці".
Па гандлёвых кропках у цэнтральнай частцы Данецка распаўсюджваюць пастановы самаабвешчанай "Данецкай Рэспублікі", перадае Цензор.НЕТ.
Прадпрымальнік, які перадаў гэтыя дакументы ў распараджэнне ZN.UA, распавёў, што займаюцца гэтым вельмі маладыя людзі, практычна падлеткі. Аднак пры гэтым яны апранутыя ў камуфляж і ўзброеныя аўтаматамі Калашнікава.
У гэтых паперах сепаратысты патрабуюць ад бізнесменаў плаціць ім адзіны падатак у 70 даляраў ЗША штомесяц "для папаўнення золатавалютных рэзерваў рэспублікі". Акрамя таго, украінскія акцызныя маркі на алкаголь абвешчаныя несапраўднымі, а новыя "рэспубліканскія" сепаратысты гатовыя прадаваць па 2 дал. ЗША. З 6 траўня прадстаўнікі "ДНР" абяцаюць канфіскаваць усе спіртныя напоі без іх "акцызаў".
Акрамя таго, адзін з пунктаў "пастановы" ўводзіць прадуктовыя карткі на некаторыя віды тавараў.
Таксама ад мужчын патрабуюць уступаць у армію самаабвешчанай рэспублікі.
Парушальнікаў сваіх пастаноў сепаратысты абяцаюць "выселіць да бендэраў з канфіскацыяй маёмасці".