МТС перадае нумары ўкраінскіх вайскоўцаў ФСБ
14- 16.04.2014, 13:20
- 35,393
Украінскім вайскоўцам масава прыходзяць смс з патрабаваннямі перайсці на бок расейскіх агрэсараў.
Народны дэпутат, кандыдат у мэры Кіева Леся Арабец паведаміла, што ўкраінскім вайскоўцам прыходзяць смс з патрабаваннямі перайсці на бок расейскіх агрэсараў - вайскоўцы лічаць, што МТС перадае ФСБ нумары іх тэлефонаў. Пра гэта Арабец напісала на сваёй старонцы ў сацсетцы «Фэйсбук», апублікаваўшы адпаведнае фота.
«Нашым вайскоўцам ў зоне канфлікту прыходзяць такія смс-кі, а таксама пагрозы і заклікі здацца. Падобным чынам нас спрабавалі апрацоўваць на Майдане», - адзначыла Арабец.
«Вайскоўцы настойваюць, што як мінімум МТС злівае інфу наўпрост ФСБ. У выпадку пацверджання ў МТС павінны былі б неадкладна адабраць ліцэнзію, і гэта павінна было б стаць прадметам асобнага расследавання СБУ», - падкрэсліла нардэп.
У кампаніі МТС гэтую інфармацыю абверглі. Як заявіла «Обозревателю» прэс-сакратар кампаніі Вікторыя Паўлоўская, яна не адпавядае рэчаіснасці.
«16 красавіка ў сетцы была распаўсюджаная інфармацыя са спасылкай на заявы некаторых палітыкаў аб тым, што вайскоўцы ў зоне канфлікту атрымліваюць смс з нумара МТС з сумніўнымі заклікамі. Мы праверылі інфармацыю і сцвярджаем, што масавых рассыланняў у сетцы МТС 15 красавіка ні з прыведзенага нумара, ні з любых іншых нумароў кампаніі, зафіксавана не было», - паведаміла Паўлоўская.