У Менску пачалі адключаць ацяпленне ў жылых дамах

У Менску пачалося адключэнне ацяплення ў жылым сектары.

Пра гэта паведаміў сёння журналістам начальнік упраўлення гарадской гаспадаркі і энергетыкі Менгарвыканкама Зміцер Янчык, перадае карэспандэнт БелТА.

"Згодна з правіламі адключэнне ацяплення вырабляецца пры сярэднясутачнай тэмпературы плюс 8 градусаў, якая ўстанавілася на працягу трох дзён. У Менску ўжо ўстойлівая плюсавая тэмпература, а на выходных прагназуецца да 20 градусаў цяпла. Сёння старшынёй Менгарвыканкама было падпісана распараджэнне аб адключэнні ацяплення ва ўсіх катэгорый спажыўцоў. Да панядзелка падача цяпла ў Менску будзе спыненая", - сказаў Зміцер Янчык.

Адначасова з жылымі дамамі ацяпленне будзе адключацца ў гасцініцах, інтэрнатах, навучальных установах, дзіцячых садках, школах, лякарнях, іншых медыцынскіх і сацыяльных установах, а таксама музеях, дзяржаўных архівах, бібліятэках.

Падача цяпла ў грамадскіх, адміністрацыйных будынках і прамысловых прадпрыемствах была спыненая ў Менску з 25 сакавіка.