Украінскія вайскоўцы занялі блокпост баевікоў пад Славянскам

Па неправеранай інфармацыі ёсць загінулыя.

У сяле Сяргееўка Славянскага раёна Данецкай вобласці ўкраінскія дэсантнікі разграмілі блокпост пратэстоўцаў, паведамляе інтэрнэт-выданне Kramatorsk.info са спасылкай на мясцовых жыхароў.

"Толькі што ад жыхаркі сяла Сяргееўка паступіла інфармацыя аб тым, што ў раёне аўтатрасы чуецца стральба", - адзначаюць у выданні.

Мясцовыя жыхары кажуць, што ў сяле з'явіліся людзі ў ваеннай форме. Як мяркуецца, - гэта дэсантнікі, якія ўдзельнічаюць у антытэрарыстычнай аперацыі Узброеных сіл Украіны. Таксама ёсць інфармацыя аб тым, што ў раёне блокпоста, устаноўленага сепаратыстамі, адбыўся пажар, аднак яго прычына - падпал аўтамабільных шын пратэстоўцамі, каб перашкодзіць дэсанту, або манеўр вайскоўцаў - на дадзены момант невядомая.

Як паведаміў адзін з відавочцаў падзей, у раёне бою ўжо ёсць адзін загінулы, аднак гэтая інфармацыя афіцыйна пакуль не пацвярджаецца. Як паведамляе выданне 6264.com.ua, паранены мужчына атрымаў кулявое раненне ў шыю, у вуха і плячо, па словах крыніц гэта быў грамадзянскі. Абставіны высвятляюцца.

Таксама з неафіцыйных крыніц, блокпост каля Краматорскага аэрадрома, з боку народнага апалчэння, быў пакінуты людзьмі, каб не правакаваць украінскіх вайскоўцаў. Ёсць інфармацыя, што сёння ноччу ў Краматорскі аэрадром высадзілася брыгада ПДВ Украіны, якая збіраецца выехаць за тэрыторыю аэрадрома.

"Ёсць верагоднасць таго, што ўкраінскія вайскоўцы прачышчаюць сабе шлях на Славянск, дзе знаходзіцца больш за ўсё захопнікаў. Нагадаем, што ўсе пад'язныя шляхі да Славянска і Славянскага раёна ўмацаваныя прарасейскімі блокпостамі. У небе над Краматорскам зноў кружаць ваенныя верталёты", - паведамляе выданне.