Украінцы скідваюцца на прэміі для паляўнічых на тэрарыстаў

Заўтра для жадаючых дапамагчы губернатару Днепрапятроўскай вобласці адкрыюць спецыяльны рахунак.

Пра гэта на сваёй старонцы ў сацсетцы "Фэйсбук" паведаміў журналіст Юрый Бутусаў. Паводле яго слоў, шэраг жадаючых маюць намер дапамагчы грашыма губернатару Днепрапятроўскай вобласці Ігару Каламойскаму, які абвясціў аб выдачы прэмій за злоўленых расейскіх дыверсантаў.

"Я ў шоку ад гэтых украінцаў. У Штаб заходзіць сакратар Каламойскага: "Ужо тры чалавекі патэлефанавалі ў прыёмную, пытаюцца, чаму Каламойскі не ўказаў свой разліковы рахунак, яны хочуць дапамагчы грашыма для выдачы прэмій за злоў расейскіх дыверсантаў і за здачу аўтаматаў, - адзначыў ён. - Замгубернатара Корбан: "Скажыце, што Штаб нацыянальнай абароны скажа за адкрыццё рахунку. Вазьміце рэквізіты, мы заўтра ператэлефануем".

Нагадаем, раней намеснік губернатара Днепрапятроўскай вобласці Барыс Філатаў паведаміў пра тое, што ўлады будуць даваць грашовыя ўзнагароды за вызваленыя ад сепаратыстаў адмінбудынкі, вернутую міліцыі зброю і перададзеных "зялёных чалавечкаў".