Джамілева і Чубарава пасля 1,5-гадзіннай затрымкі прапусцілі ў Крым
2- 19.04.2014, 16:29
- 8,511
Дазвол быў выдадзены пасля доўгіх тэлефонных перамоваў памежнікаў.
Сёння пасля 1,5-гадзіннай затрымкі ў Чангары Херсонскай вобласці лідара крымска-татарскага народа, народнага дэпутата Мустафу Джамілева і старшыню Меджліса крымска-татарскага народа Рэфата Чубарава ўсё ж прапусцілі ў Крым.
Як паведамляе ТСН, са слоў прэс-сакратара Меджліса Лілі Муслімавай, Джамілева і Чубарова «пасля доўгіх тэлефонных перамоваў памежнікі, якія спынілі аўтамабіль, аддалі дакументы і дазволілі праезд».
Раней паведамлялася, што Джамілева і Чубарава затрымалі шасцёра ўзброеных прадстаўнікоў так званай «крымскай самаабароны» і канфіскавалі дакументы. Прычыну нядопуску на тэрыторыю Крыма тлумачыць адмовіліся.