1000 добраахвотнікаў уступілі ў спецбатальёны МУС на Харкаўшчыне

Спецбатальёны патрульнай службы міліцыі папоўніліся тысячай добраахвотнікаў.

Пра гэта распавёў журналістам начальнік ГУ МВДУ ў Харкаўскай вобласці Анатоль Дзмітрыеў, паведамляе Укрінформ.

«У Харкаўскай вобласці практычна сфарміраваныя батальёны патрульнай службы міліцыі асаблівага прызначэння «Харкаў» і «Слабажаншчына». Агульная колькасць добраахвотнікаў, што запісаліся, - да тысячы чалавек», - адзначыў ён.

З ягоных слоў, байцы батальёнаў закліканы кантраляваць сітуацыю ў рэгіёне.

«У рамках антытэрарыстычнай аперацыі ў рэгіён таксама прыбылі 350 байцоў Нацыянальнай гвардыі Украіны. Іх асноўная задача - спыненне тэрарыстычных і сепаратысцкіх праяў, лакалізацыя канфліктаў», - дадаў Дзмітрыеў.

Ён падкрэсліў, што сітуацыя ў Харкаўскай вобласці кантралюемая і знаходзіцца пад кругласутачным назіраннем праваахоўнікаў.