Pussy Riot «прагналі» Пуціна (Відэа)

У інтэрнэце з'явіўся вірусны ролік на велікодную тэматыку.

Ён размешчаны на канале YouTube AWE, піша tjournal.ru .

У роліку велікодныя яйкі размалявалі пад актораў, музыкаў, палітыкаў і герояў мультсерыялаў, сабраўшы іх у некалькі камічных мініяцюр.

У амаль дзвюххвілінным відэа можна ўбачыць, як Pussy Riot праганяюць Уладзіміра Пуціна, акторка Джэніфер Лоўрэнс, якая рэгулярна падае на розных прэстыжных мерапрыемствах, валіцца ў аўтараў з рук. Стваральнікі роліка не абышлі сваёй увагай і серыял «Гульні тронаў». Яго аўтара Джорджа Марціна адлюстравалі разам з улюбёнцам публікі, акторам Піцерам Дзінклейджам, што выконвае ролю Тырыёна Ланістэра.