Аляксандр Турчынаў: Пуцін баіцца распаўсюджвання рэвалюцыі на іншыя краіны СНД

Прыклад рэвалюцыі ва Украіне можа распаўсюдзіцца на іншыя постсавецкія краіны.

Менавіта гэтага баіцца прэзідэнт Расеі Уладзімір Пуцін. Пра гэта ў інтэрв'ю аднаму з тэлеканалаў заявіў старшыня Вярхоўнай Рады Украіны Аляксандр Турчынаў, перадае УНН.

"Пуцін баіцца Украіны, бо яна з'яўляецца прыкладам для многіх постсавецкіх краін аб тым, што людзі могуць вырашаць, якая ўлада ім падабаецца, а якая - не. У нас людзі самі змаглі змяніць уладу і адхіліць ад бюджэту кіраўнікоў, якія зарваліся. Такі прыклад палохае Пуціна, таму яго задача - не толькі захапіць частку тэрыторыі Украіны, але і цалкам дэстабілізаваць сітуацыю Украіны", - лічыць Турчынаў.

Выконваючы абавязкі прэзідэнта Украіны лічыць, што пад пагрозай знаходзіцца не толькі тэрыторыя на ўсходзе краіны, але і ўся дзяржава.

"Спробы дэстабілізаваць сітуацыю на ўсходзе Украіны, у першую чаргу - у Данецкай вобласці - гэта ўдар па ўсёй Украіне, а не толькі па Данбасе", - адзначыў ён.

Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.

У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.