У Славянску ўначы былі заўважаныя рускія дыверсанты
8- 22.04.2014, 16:18
- 36,616
У Славянску ўначы былі заўважаныя расейскія дыверсанты, якія раней былі ў Краматорску, а ў 2008 годзе - у Грузіі.
Такую выснову можна зрабіць са слоў фатографа Максіма Дандзюка ў сацыяльных сетках, які знаходзіцца на месцы падзей, піша "Украинская правда".
"Апошнія кадры Славянска. Вымушаны тэрмінова пакінуць гэты горад", - напісаў ён.
Раней, асобы на фота былі ідэнтыфікаваныя як члены 45-ага асобнага палка ПДВ і 2-й асобнай брыгады спецыяльнага прызначэння ГВУ ГШ ВС РФ.
Гэтую інфармацыю таксама пацвярджае карыстальнік "Фэйсбука" Алена Мішчук.
"Сёння ноччу на вуліцах была заўважаная невядомая група баевікоў", - піша дзяўчына.
"Мяркуецца, што гэтая чачэнскія баевікі і кубанскія казакі", - дадала яна.
"Тры грузавіка перакрылі цэнтр горада. З гэтых грузавікоў выгрузіліся вялікая група да зубоў узброеных аўтаматамі, гранатамётамі і г.д. людзей не славянскай знешнасці", - напісала яна.
Паводле яе дадзеных, баевікі папрасілі ўсіх не мясцовых журналістаў пакінуць горад да вечара 22 красавіка.
Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.
У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.
Ноччу 20 красавіка ў горадзе Славянску Данецкай вобласці, які захоплены тэрарыстамі, была арганізаваная чарговая правакацыя. Каля 3:00 на блокпосце паміж дзвюма групамі грамадзян узнікла ўзброеная сутычка. У выніку гэтага, загінулі, па розных дадзеных, ад аднаго да трох чалавек. Тэрарысты выкарыстоўвалі правакацыю для просьбы да Пуціна аб увядзенні войскаў ва Усходнюю Украіну.