Мадэрнізацыя па-беларуску: «дэпутат»-дырэктар трапіўся на хабары ў €48 тысяч

У дачыненні да дырэктара ТАА «Брэст-Травы» ўзбуджаная крымінальная справа.

Учора Лукашэнка выказаў незадаволенасць тэмпамі барацьбы з карупцыяй, а таксама ходам мадэрнізацыі. І вось новыя факты. Прэс-служба УУС Брэсцкага аблвыканкама інфармуе: у галіне праверылі, як праходзіць працэдура дзяржзакупак. Устаноўленыя факты махінацый.

Трапіўся дырэктар ТАА «Брэст-Травы», які таксама з'яўляецца дэпутатам сельскага Савета дэпутатаў 26-га склікання.

- З'яўляючыся службовай асобай, а таксама асобай, упаўнаважанай ва ўстаноўленым парадку на правядзенне юрыдычна значных дзеянняў, з ліпеня па верасень 2013 года ён атрымаў ад менчанкі, якая кіруе прадстаўніцтвам нямецкай фірмы, хабар, - распавялі onliner.by у міліцыі. - яго памер склаў 48 000 еўра.

Грошы належылі за спрыяльнае вырашэнне пытання аб пастаўцы абсталявання. У адпаведнасці з распараджэннем прэзідэнта кукурузакалібровачны завод ТАА «Брэст-Травы» павінен быць мадэрнізаваны. За дзяржаўныя грошы патрабавалася купіць сушыльны комплекс для кукурузных пачаткаў і 7 камбайнаў. Гэтую тэхніку і паставілі прадпрыемству нямецкія партнёры пасля таго, як дырэктар атрымаў узнагароджанне.

Кіраўнік арыштаваны. Узбуджаная крымінальная справа.