Будынкі на Данбасе блакуюць больш тысячы баевікоў

У блакаванні адмінбудынкаў на Усходзе Украіны бяруць удзел больш тысячы чалавек.

Пра гэта распавёў у сераду падчас брыфінгу ў Кіеве дарадца міністра ўнутраных спраў Украіны Станіслаў Рэчынскі, піша "Інтэрфакс".

Паводле яго слоў, у памяшканні Данецкай аблдзяржадміністрацыі працягваюць знаходзіцца каля 500 такіх грамадзян, каля будынка - яшчэ каля 100 чалавек; памяшканне Данецкага гарвыканкама займаюць 20 чалавек з прарасейскай арганізацыі "Апора" ў камуфляжнай вопратцы, у масках, з паляўнічай і аўтаматычнай зброяй.

Данецкі аэрапорт, паводле яго слоў, цяпер працуе ў штатным рэжыме.

У Горлаўцы застаецца захопленым адміністрацыйны будынак гарадской міліцыі. Там знаходзяцца каля 20 чалавек, на даху групраўлення ўсталяваны сцяг РФ.

Акрамя таго, 15 невядомых у масках і без зброі застаюцца ў памяшканні УСБУ ў Горлаўцы. Знаходзяцца 2 блокпоста, дзе знаходзяцца каля 40 чалавек.

"У Славянскім гарупраўленні міліцыі знаходзяцца каля 30 па-прарасейску настроеных грамадзян, але доступ у дом свабодны, праезды да гарупраўлення заблакаваныя барыкадамі, каля будынку знаходзяцца каля 80 чалавек", - распавёў Рэчынскі.

Прыкладна такая ж колькасць пратэстоўцаў размясціліся і ў Славянскім гарадскім упраўленні СБУ. Па-прарасейску настроеныя грамадзяне (каля 140 чалавек) усталявалі 7 блокпостаў.

У Краматорску ў адмінбудынку гарупраўлення міліцыі працягваюць знаходзіцца ўзброеныя людзі ў масках і камуфляжнай форме, у памяшканні мясцовага ўпраўлення СБУ застаецца група з 20 невядомых асобаў.

Таксама працягваецца блакаванне гарсавета Краматорска - каля будынка знаходзяцца каля 200 чалавек.

Акрамя таго, сілавікі падлічылі, што перыметр тэлевізійнай вышкі ў Краматорску ахоўваюць 10 чалавек з аўтаматычнай зброяй. Раней захопнікі адключылі трансляцыю ўкраінскіх каналаў на тэрыторыі вобласці і аднавілі трансляцыю расейскіх.

У Луганску ў памяшканні УСБУ працягваюць знаходзіцца каля 100 па-прарасейску настроеных грамадзян, каля ўваходу - да дзесятка, на прылеглай тэрыторыі пабудаваныя тры барыкады, за якія прысутныя не пускаюць прадстаўнікоў праваахоўных органаў.

Таксама паведамляецца, што ў Дружкоўцы, Дзябальцаве, Амўросіеўцы ўсталяваныя блокпосты. Па дадзеных МУС, працягваецца блакаванне будынкаў Енакіеўскага, Марыупальскага і Макееўскага гарвыканкамаў.

Раней першы віцэ-прэм'ер-міністр Віталь Ярэма заявіў, што сілавыя структуры аднавілі антытэрарыстычную аперацыю ў Данецкай вобласці.

Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый ва ўсходніх абласцях Украіны, а таксама ўпраўленняў МУС і СБУ, якія прывабліваюць баевікоў зброевым арсеналам.

У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку.