Лукашэнка сабраўся ў Лаос
22- 23.04.2014, 16:27
- 9,949
Дыктатар разлічвае на «развіццё гандлёва-эканамічнага супрацоўніцтва з Лаосам».
Пра гэта ён заявіў на сустрэчы са старшынёй парламента гэтай краіны Пані Ятхоту.
Паводле слоў Лукашэнкі, стасункі з Лаосам толькі пачынаюць фармавацца, але ён ужо гатовы паехаць у Вьенцьян на сустрэчу са сваім лаоскім калегам.
«Дзяржава разлічвае на ўстанаўленне такіх жа цёплых і прыязных стасункаў, якія існуюць у Беларусі з суседам Лаоса В'етнамам», - адзначыў кіраўнік. Пані Ятхоту адзначыла, што разам з палітычнымі стасункамі трэба больш актыўна развіваць гандлёва-эканамічныя сувязі, паведамляе БелаПАН.
Раней Лукашэнка заяўляў, што Беларусь гатовая пастаўляць у Лаос сельскагаспадарчую і ваенную тэхніку. Акрамя таго, удзельнічаць у праектах па здабычы карысных выкапняў на тэрыторыі Лаоса.