Беларусь выставіла на продаж 87 прадпрыемстваў

Распродаж праводзіцца па ўказанні Лукашэнкі.

Дзяржаўны камітэт па маёмасці Беларусі абвясціў аб правядзенні работ па продажы акцый (долей) акцыянерных (гаспадарчых) таварыстваў і прадпрыемстваў як маёмасных комплексаў. У пералікі ўвайшлі 87 прадпрыемстваў, якія прадстаўленыя на сайце Дзяржкаммаёмасці, паведамляе БелТА.

Для продажу акцый на аўкцыёнах прапанаваныя 23 прадпрыемствы. Для продажу акцый (долей) па конкурсе прадстаўлены 62 акцыянерных (гаспадарчых) таварыства. Два прадпрыемствы прапануюцца да продажу маёмаснымі комплексамі.

Так, на аўкцыён выстаўленыя долі дзяржавы ў статутным фондзе СЗАТ "Шклозавод Ялізава" (Асіповіцкі раён), ААТ "Віцебскі прыборабудаўнічы завод", ААТ "Брэсцкі радыётэхнічны завод", ААТ "Завод Эвістар" (г.Віцебск) і шэрагу іншых прадпрыемстваў Мінпрама, Мінэнерга, Мінтранса, Мінсельгасхарча, Мінсувязі і канцэрна "Беллеспаперапрам".

У пераліку акцыянерных (гаспадарчых) таварыстваў, па якіх праводзяцца работы па продажы акцый (долей) па конкурсе, - ААТ "Гомельскі камбінат будаўнічых канструкцый", ААТ "БАТЭ" - кіруючая кампанія холдынгу "Аўтакампаненты", ААТ "Кіруючая кампанія холдынгу "Гарызонт", ААТ "Беларускае марское параходства", ААТ "Авіякампанія Трансавіяэкспарт", ААТ "Мазырскі НПЗ", ААТ "Гіпрасувязь" і іншыя.

Адзіным маёмасных комплексам прапануецца прадаць на аўкцыёне РУП "Бярозатара" і РУВП "Экзон-Глюкоза" (Драгічын).

Дзяржкаммаёмасць будзе прымаць заявы ад патэнцыйных інвестараў (пакупнікоў), зацікаўленых у куплі акцый (долей) акцыянерных (гаспадарчых) таварыстваў і прадпрыемстваў як маёмасных комплексаў, якія належаць Беларусі. Заявы будуць разглядацца камісіяй, і па выніках разгляду гэтых заяў камісія будзе рыхтаваць прапановы аб мэтазгоднасці падрыхтоўкі праектаў рашэнняў Лукашэнкі аб продажы.

Продаж акцый акцыянерных таварыстваў і прадпрыемстваў як маёмасных комплексаў, якія належаць Рэспубліцы Беларусь, ажыццяўляецца па рашэнню Лукашэнкі, падкрэслілі ў камітэце.