Адэскія памежнікі раскрылі хлусню расейскіх СМІ

Адэскія памежнікі не забаранялі ўезд ва Украіну расейскаму журналісту Раману Суперу.

Пра гэта паведамляе прэс-служба Дзяржпамежслужбы Украіны.

"Калі ў Расею не пускаюць грамадзян Украіны - гэта ўсё ў рамках закона, калі ж расейцы не могуць трапіць ва Украіну - гэта расейскія журналісты расцэньваюць як ціск з боку ўкраінскай улады", - сказана ў паведамленні.

У ведамстве адзначаюць, што адно з апошніх падобных паведамленняў тычылася няпропуска здымачнай групы тэлеканала "Рен-ТВ" у Адэскім аэрапорце.

У якасці прыкладу прыводзіцца паведамленне тэлеканала "Россия 24": "Карэспандэнта Рамана Супера затрымалі ў аэрапорце пры праходжанні мытнага кантролю. У яго забралі пашпарт і адправілі назад у Маскву".

"У гэтым паведамленні журналісты забыліся дадаць, што дадзенаму грамадзяніну ніхто не забараняў уезду ва Украіну, да таго ж ён сам адмовіўся перасякаць мяжу і вылецеў назад у Маскву, - гаворыцца ў паведамленні Дзяржпамежслужбы Украіны. - На самой справе абмежаванне тычылася аператара дадзенага тэлеканала. Пры праходжанні кантролю высветлілася, што ў дачыненні да яго дзейнічае даручэнне ад кампетэнтных органаў аб забароне ўезду на тэрыторыю Украіны. Яму выдалі афіцыйнае рашэнне аб адмове, у якім паказвалася на падставе чаго забараняецца ўезд".

Дзяржаўная памежная служба Украіны адзначае, што рашэнні аб няпропуску замежнікаў або асоб без грамадзянства прымаюцца выключна ў рамках закона.

"Аднак неабходна адзначыць, што некаторыя прадстаўнікі расейскіх СМІ, якія трапляюць на тэрыторыю Украіны, даволі часта паводзяць сябе абуральна, не выконваюць патрабаванняў дзеючага заканадаўства Украіны і скажона асвятляюць падзеі", - дадалі ў ведамстве.