Навукоўцы: Балтыка ператвараецца ў мёртвае мора
9- 4.04.2014, 17:04
- 28,154
Балтыйскае мора задыхаецца ад недахопу кіслароду, і плошча мёртвых зон у ім ужо ў паўтара разы перавышае плошчу Даніі.
Нават з улікам таго, што кіслародныя зоны Балтыкі пачнуць адраджацца, для аднаўлення экасістэмы дна спатрэбяцца дзесяцігоддзі, паведамляе Росбалт.
"За апошняе стагоддзе плошча бедных кіслародам вод у Балтыйскім моры павялічылася з 5 тысяч да больш 60 тысяч квадратных кіламетраў. Гэта прывяло да замору рыб і шкоднаснага цвіцення вады", - кажуць навукоўцы. Яны называюць Балтыйскае мора "найбуйнейшай у свеце бескіслароднай зонай чалавечага паходжання".
Па словах эколагаў, адна з прычын недахопу кіслароду - гэта пажыўныя рэчывы з зямлі, а таксама ўгнаенні і сельскагаспадарчыя хімікаты, якія трапляюць у прыбярэжную глебу.
Але калі чалавек яшчэ можа засцерагчы мора ад скіду ў яго мінеральных рэчываў, то змене клімату планеты супрацьстаяць немагчыма. Ужо цяпер сярэдняя тэмпература вады павысілася на два градусы, а чым цяплей вада, тым горш раствараецца ў ёй кісларод.
"Тэмпература вады паднялася і будзе працягваць расці ў бліжэйшыя гады. Усе краіны ў дадзеным рэгіёне павінны ўзгадніць план дзеянняў па Балтыйскім моры, каб прадухіліць трапленне ў мора біягенных рэчываў", - піша прафесар Якаб Карстэнс.
Эколагі кажуць, што на знежывелых участках мора здольныя жыць толькі бактэрыі, але яны вырабляюць метан, які пузырыцца ў вадзе і з-за выдзялення таксічных рэчываў забівае рыбу нават на паверхні мора.