Пад Менскам хочуць пабудаваць ядзерны рэактар
38- 5.04.2014, 21:27
- 25,910
Рэактар у «Соснах» можа быць пабудаваны пры ўдзеле спецыялістаў з Расеі.
Аб'яднаны інстытут энэргетычных і ядзерных даследаванняў распрацаваў тэхпатрабаванні да яго праекта. Пра гэта ўдзельнікам форуму «Атамэкспа-Беларусь» паведаміў Вячаслаў Куўшынаў, загадчык лабараторыі АІЭЯД. Ён нагадаў, што даследчы рэактар, у пачатку 1960-х гадоў пабудаваны ў інстытуце, вывелі з эксплуатацыі ў 1992 годзе, піша БелТА.
Раней Кірыл Камароў, намеснік гендырэктара дзяржкарпарацыі «Росатом», заявіў, што экспэрты дзвюх краін вядуць перамовы ў пытанні збудаванні ў краінре цэнтра з даследчым рэактарам, які павінен выкарыстоўвацца для навуковых і практычных задач у кірунках ядзернай медыцыны, мадыфікацыі матэрыялаў.
«Спадзяемся, што ў нас будзе магчымасць пабудаваць у Беларусі не толькі першую АЭС, - сказаў Камароў, - але і такі даследчы цэнтр».
Выстава і канфэрэнцыя «Атамэкспа-Беларусь-2014» прайшла ў Менску 1-3. Абмяркоўвалася развіццё атамнай энэргетыкі, рэалізацыя праекта АЭС у Астраўцы, пытанні бяспекі. Такія пляцоўкі, як кажуць экспэрты, даюць магчымасць узаемадзейнічаць дзяржаве і грамадству.