На Манежнай плошчы ў Маскве затрыманыя ўдзельнікі акцыі ў абарону «вязняў Балотнай»
5- 6.04.2014, 19:30
- 9,174
На Манежнай плошчы ў Маскве праходзіць акцыя ў падтрымку «вязняў Балотнай».
Сабралася амаль 100 чалавек. Як паведамляе выданне АУС-Інфа, шасцёра актывістаў выцягнулі рукі такім чынам, як быццам яны трымаюць у іх плакат, аднак самога плаката ў руках у іх не было. Нягледзячы на гэта яны былі затрыманыя.
Да гэтага паліцыянты затрымалі яшчэ чацвярых удзельнікаў акцыі. «Прозвішчы затрыманых на Манежнай плошчы - Рослаў, Калмыкова, Удзімаў, Іёнаў. Іх адвялі ў аўтазак, астатнія працягваюць акцыю», - гаворыцца ў Твітэры каардынатара «Левага фронту» Сяргея Удальцова.
6 сакавіка на Манежнай плошчы таксама прайшлі затрыманні. Акцыі «Стратэгіі-6» за вызваленне балотных вязняў і ўсіх палітвязняў праводзяцца 6 чысла кожнага месяца ў фармаце народнага сходу і адзіночных пікетаў.
Фота: Яўгеніі Міхеевай