Надзвычайная нарада сілавікоў праз падзеі на ўсходзе Украіны
28- 6.04.2014, 20:07
- 50,845
В.а. прэзідэнта Украіны, старшыня Вярхоўнай Рады Аляксандр Турчынаў адмяніў свой працоўны візіт у Літву.
Пра гэта паведаміла прэс-служба парламента.
Паводле паведамлення, Турчынаў павінен быў браць удзел у канферэнцыі спікераў парламентаў Еўрапейскага Звязу.
Акрамя таго, стала вядома, што в.а. прэзідэнта склікаў тэрміновую нараду кіраўнікоў сілавых міністэрстваў і ведамстваў.
Ён узяў пад свой асабісты кантроль сітуацыю, якая склалася ў Данецкай і Луганскай абласцях праз выступы сепаратыстаў, - адзначылі ў прэс-службе.
Як вядома, у нядзелю ў Данецку і Луганску працягваюцца сепаратысцкія мітынгі, у выніку якіх былі захопленыя Данецкая АДА і кіраванне СБУ ў Луганску.