Расея забараніла ўвоз украінскай малочнай прадукцыі
5- 7.04.2014, 10:24
- 6,332
Расея прыпыніла ўвоз украінскай малочнай прадукцыі нібыта з-за выяўленых Расспажыўнаглядам парушэнняў.
Пра гэта гаворыцца ў паведамленні Расспажыўнагляда.
«Федэральная служба па наглядзе ў сферы абароны правоў спажыўцоў і дабрабыту чалавека паведамляе, што пры ажыццяўленні дзяржаўнага нагляду за абаротам харчовай прадукцыі выяўленыя парушэнні патрабаванняў заканадаўства ў галіне абароны правоў спажыўцоў, што сведчыць аб фальсіфікацыі, пры даследаванні малочнай прадукцыі:
- Сыры вытворчасці ПП «Рось» філіял «Ахтырскага сыркамбіната» і АТ «Пірацінскі сыркамбінат» не адпавядалі патрабаванням Федэральнага закона ад 12.06.2008 №88-ФЗ «Тэхнічны рэгламент на малако і малочную прадукцыю» па тлуста-кіслотнаму складу;
- Сыры вытворчасці АТ «Пірацінскі сыркамбінат» не адпавядалі патрабаванням Федэральнага закона ад 12.06.2008 №88-ФЗ «Тэхнічны рэгламент на малако і малочную прадукцыю» па масавай долі бялку, масавай долі тлушчу і па масавай долі вільгаці.
Акрамя таго, у сырах вытворчасці ПАА «Залатаношскі масларобны камбінат» і вытворчасці ТАА «Тэхмалпрам» выяўленая неадпаведнасць і іншых патрабаванняў Федэральнага закона ад 12.06.2008 № 88-ФЗ «Тэхнічны рэгламент на малако і малочную прадукцыю».
Усе лабараторныя даследаванні праводзіліся выпрабавальнымі лабараторнымі цэнтрамі, акрэдытаванымі ў расейскай і міжнароднай сістэме акрэдытацыі.
У мэтах забеспячэння правоў спажыўцоў Расспажыўнагляд прыпыніў увоз на тэрыторыю Расейскай Федэрацыі малочнай прадукцыі ўкраінскіх вытворцаў: ЧП «Рось», філіял «Ахтырскага сыркамбіната», АТ «Пірацінскі сыркамбінат», ТАА «Гадзячсыр», ПАА «Залатаношскі масларобны камбінат» і ТАА «Тэхмалпрам».
Адпаведная інфармацыя накіраваная ў адпаведнасці з правіламі СГА ўпаўнаважанаму органу, у Федэральную мытную службу і ўпраўленні Расспажыўнагляду па суб'ектах Расейскай Федэрацыі», - гаворыцца ў паведамленні.