Google рыхтуе забаўляльны тэлевізійны сэрвіс Android TV

Кампанія Google рыхтуецца запусціць уласны тэлевізійны сэрвіс Android TV.

Ключавой асаблівасцю новага сэрвісу ад старога Google TV будзе яго арыентаванасць на забавы, піша imena.ua.

У новым сэрвісе ўпор будзе рабіцца на рэкамендацыі для хатняга прагляду і прастату атрымання матэрыялаў, якія прайграюцца на смартфоне або планшэце.

У адрозненне ад Google TV, які проста дадаваў тэлевізару мноства функцый і магчымасцяў, характэрных для сучасных смартфонаў, Android TV будзе, у першую чаргу, прадастаўляць доступ да забаўляльных матэрыялаў.

Па папярэдніх дадзеных, новы сэрвіс будзе падтрымліваць гульнявыя кантролеры і з яго дапамогай карыстачы змогуць запускаць на тэлевізары відэагульні, нават не маючы кансолі або іншай гульнявой прылады.

На дадзены момант нават прыблізныя тэрміны з'яўлення Android TV у вольным доступе для шырокага кола спажыўцоў невядомыя.

Нядаўна, таксама стала вядома, што Google плануе прадастаўляць паслугі сотавай сувязі і бесправаднога доступу да Інтэрнэту па мадэлі віртуальнага аператара: кампанія будзе арандаваць магутнасці ўжо існуючых сетак.