Данецкія сепаратысты просяць Пуціна ўвесці войскі
12- 7.04.2014, 13:50
- 12,245
Марыянеткі Пуціна звярнуліся да яго з просьбай «пра ўвод часовага міратворчага кантынгенту».
«Тэрыторыя ў межах прызнаных межаў з'яўляецца непадзельнай і недатыкальнай», - падкрэсліваецца ў заяве дэпутатаў Данецкага абласнога савета. Сепаратысты таксама прынялі рашэнне аб правядзенні «рэфэрэндуму» па пытанні ўваходжання рэгіёна ў склад Расеі не пазней 11 траўня. «Гэтая дата была ўзгодненая з Луганскай і Харкаўскай абласцямі», - адзначыў адзін з удзельнікаў пасяджэння.
Нагадаем, сёння дэпутаты Данецкага абласнога савета абвясцілі аб дзяржаўнай самастойнасці так званай Данецкай народнай рэспублікі.
6 красавіка на ўсходзе Украіны прайшлі правакацыі. У прыватнасці, прарасейскія актывісты захапілі абласныя адміністрацыі ў Данецку і Харкаве. У Луганску штурмам узялі СБУ і захапілі філіял Нацбанка. Таксама быў захоплены будынак СБУ і ў Данецку.
Па дадзеных МУС Украіны, у сепаратысцкіх мітынгах ва ўсходніх рэгіёнах краіны бярэ ўдзел вялікая колькасць добраахвотнікаў з Белгарада, Растова-на-Доне, Варонежа і іншых прымежных расейскіх гарадоў, а таксама крымінальныя элементы.