Супрацоўнікаў спецслужбаў Кыргызстана абвінавачваюць у забойстве журналіста

Двое супрацоўнікаў Дзяржкамітэта нацыянальнай бяспекі Кыргызстана затрыманыя па падазрэнні ў дачыненні да забойства.

Пра гэта паведамляе прэс-служба Генеральнай пракуратуры рэспублікі.

Затрыманыя Т.А. і Б.К. (іх поўныя імёны не пазначаныя) змешчаныя ў следчы ізалятар ГКНБ. Якія пасады яны займаюць у службе дзяржбяспекі, пракуратура не ўдакладняе. Не паведамляецца таксама, ці прызналі яны сябе вінаватымі.

Раней па справе аб забойстве Генадзя Паўлюка ўжо былі асуджаныя некалькі чалавек. Прысуд ім быў вынесены ў Казахстане (па месцы злачынства) у 2011 годзе. Мясцовы суд тады прысудзіў да працяглых тэрмінаў зняволення былога супрацоўніка кыргызскай спецслужбы Алдаяра Ісманкулава (ён атрымаў 17 гадоў турмы) і двух грамадзян Казахстана Шалкара Аразаліна і Алмаса Ігялікава (11 і дзесяць гадоў пазбаўлення волі адпаведна), піша Lenta.ru.

Арганізатарам злачынства следства палічыла Ісманкулава. Сам ён віну адмаўляў, заяўляючы, што ў ходзе разбору былі груба парушаныя яго правы.

Генадзь Паўлюк, стваральнік апазіцыйнай кіргізскай газеты «Белы параход», быў забіты ў 2009 годзе, калі знаходзіўся ў Алма-Аце (Казахстан). Яго выкінулі з акна шостага паверха. Па версіі следства, злачынцы выкралі Паўлюка з мэтай вымагальніцтва, а затым вырашылі забіць яго. У прэсе таксама абмяркоўвалася версія аб магчымай сувязі забойства з прафесійнай дзейнасцю журналіста.