ЗВР за квартал скараціліся на мільярд даляраў

Беларусь за 1 квартал 2014 года пазбавілася амаль $1 млрд. золатавалютных рэзерваў.

Золатавалютныя рэзервы Беларусі скараціліся на 428,5 млн. даляраў у сакавіку і на 1 красавіка 2014 года склалі 5715,10 млн. даляраў у вызначэнні ССРД МВФ.

За тры месяцы скарачэнне золатавалютных рэзерваў склала 935,76 млн. даляраў, паведамляе Нацыянальны статкамітэт.

У складзе ЗВР рэзервовыя актывы ў замежнай валюце на 1 красавіка склалі 2913,9 млн. даляраў ЗША, знізіўшыся на -200,1 млн. даляраў ЗША за сакавік 2014 года. Манетарнае золата знізілася на 48,8 млн. даляраў ЗША да 1843,8 млн. даляраў ЗША. Іншыя актывы склалі 383,1 млн. даляраў ЗША, знізіўшыся на 179,0 млн. даляраў ЗША. СДР (спецыяльныя правы запазычання МВФ) скараціліся на 0,6 млн. даляраў ЗША да 574,2 млн. даляраў ЗША на 1 красавіка 2014 года, піша АФН.

Асноўны артыкул выдаткаў валюты з ЗВР - выплаты па знешнім абавязку краіны: толькі ў сакавіку пагашэнне і абслугоўванне крэдыту МВФ абышлося ў 170 млн. даляраў.