Пад Луганскам затрымалі аўто са зброяй
5- 8.04.2014, 9:23
- 11,946
Супрацоўнікі міліцыі канфіскавалі спецыяльную абарону і зброю з аўтамабіля ў 4 жыхароў Луганска.
Пра гэта гаворыцца ў паведамленні прэс-службы Галоўнага ўпраўлення Міністэрства ўнутраных спраў у вобласці.
Паводле яе дадзеных, на трасе "Луганск - Аэрапорт" работнікамі ўзмоцненага нарада міліцыі для праверкі быў спынены аўтамабіль "Лада", якім кіраваў 32-гадовы жыхар Луганска.
У аўтамабілі знаходзіліся яшчэ трое луганчан - двое 35-гадовых і адзін 50 гадовы мужчына.
У багажніку аўтамабіля праваахоўнікі знайшлі і канфіскавалі адгазнікі, 2 гумовыя палкі, 2 бронекамізэлькі, сапёрную лапатку, 2 нажа, пісталетную кабуру, 2 траўматычных пісталета, 2 каскі вайсковыя і адну міліцэйскую.
Усе былі затрыманыя і дастаўленыя ў Ленінскі раённы аддзел міліцыі. Канфіскаваныя прадметы накіраваныя на даследаванне. Дадзены факт зарэгістраваны, праводзіцца праверка.
Нагадаем, пачынаючы з нядзелі, у трох усходніх рэгіёнах Украіны - Данецкай, Луганскай і Харкаўскай абласцях - працягваюцца правакацыі, арганізатарамі якіх выступілі «турысты», якія прыехалі з Расеі, мясцовыя крымінальныя элементы і прыхільнікі Віктара Януковіча, які ўцёк з краіны.
Пазней стала вядома пра захоп пакоя са зброяй у будынку СБУ.