Пянткоўскі: Пуцін рыхтуецца да паразы
7- 3.05.2024, 11:06
- 9,992
Менавіта пра гэта сведчыць арышт намесніка Шайгу.
Арышт намесніка міністра абароны РФ Цімура Іванова — гэта не інтрыгі канкурэнтаў Сяргея Шайгу, а свядомая пастанова Пуціна, які рыхтуецца да паразы. Такое меркаванне выказаў уінтэрв'ю ўкраінскаму журналісту Дзмітрыю Гардону расейскі апазіцыйны публіцыст і палітолаг Андрэй Пянткоўскі.
Пуцін у сваіх штодзённых разліках не мае выключаць магчымасці ўласнай паразы. Зрэшты, апошняе становіцца ўсё больш відавочным пасля палітычнага павароту ў ЗША ў бок Украіны і новых ідэй у Еўропе.
Кіраўнік РФ хоча сапхнуць усе свае няўдачы на вайсковае кіраўніцтва, упэўнены Пянткоўскі.
«Потым ён скажа, што яны (вайсковыя кіраўнікі — рэд.) раскралі ўсё. Іншага тлумачэння няма. Ён (Пуцін — рэд.) рыхтуецца да паразы», —- зрабіў выснову аналітык.
Акрамя таго, палітолаг выказаў упэўненасць у тым, што вайна скончыцца ў 2024 годзе перамогай Украіны незалежна ад вынікаў прэзідэнцкіх выбараў у ЗША.