Дональд Туск: Польшча не пакіне Украіну ў бядзе
1- 8.04.2014, 12:09
- 5,263
Дапамога ўкраінцам - адзін з прыярытэтаў польскай дзяржавы.
Пра гэта ў аўторак на пасяджэнні Кабінетнай Рады заявіў прэм'ер-міністр Польшчы Дональд Туск, паведамляе Gazeta Wyborcza (пераклад - charter97.org).
«Трэба ўтрымаць міжнароднае адзінства вакол сітуацыі ва Украіне», - сказаў ён.
Туск адзначыў, што для Польшчы вельмі важна, каб яе дапамога для Украіны была часткай міжнароднай дзейнасці.
«Дзеянні такога роду больш эфектыўныя і з'яўляюцца формулай бяспекі Польшчы. Мы не можам у адзіночку вырашаць украінска-расейскую праблему без падтрымкі краін Захаду, таму што гэта можа скончыцца няўдачай», - падкрэсліў польскі прэм'ер.