The New York Times: Уварванне ва Украіну абыйдзецца Пуціну даражэй, чым Крым

ЕЗ павінен узгадніць з ЗША наступны раўнд санкцый супраць Расеі.

Пра гэта піша выданне The New York Times (пераклад - Инопресса).

Злучаныя Штаты і Еўропа неаднаразова заяўлялі, што працяг агрэсіі з боку Расеі прывядзе да рашучых і хваравітых мер у адказ. Прыйшоў час іх падрыхтаваць, лічаць аўтары артыкула.

"Падзеі, якія разгортваюцца ў Данецку і ва ўсёй Усходняй Украіне вельмі падобныя на тыя, што прывялі да расейскай анэксіі Крыма, - пішуць яны. - Прарасейскія сепаратысты ў Данецку дасканала кіруюцца сцэнаром напісаным у Крыме".

Пуціну трэба разумець, што ўварванне на Украіну абыдзецца куды даражэй, чым крымскі путч, і кошт гэты будзе як у шкодзе і без таго прасядаючай эканомікі Расеі, так і ў новай халоднай вайне, якая, несумненна, рушыць услед. Калі ва ўкраінцаў скрасці ключавы ў эканамічным сэнсе рэгіён, яны гэтага не даруюць; НАТА атрымае новы жыццёвы імпульс; па меры таго як ізаляцыя і верагодная рэцэсія пазбавяць расейцаў свабод і квітнення, да якіх яны сталі прывыкаць, у самой Расеі таксама ўзрастуць апазіцыйныя настроі.

"Магчыма, сепаратысцкія беспарадкі ў Данецку і іншых месцах закліканыя прымусіць Кіеў заключыць прымальнае для Масквы пагадненне (аб федэралізацыі Украіны і яе адмовы ад уступлення ў НАТА)", - дапускае выданне. Аднак нават Уладзіміру Пуціну, гаворыцца далей, "можа апынуцца на пад сілу кантраляваць страсці", якія ён абудзіў: "Лёгка ўявіць, як сепаратысцкія патрабаванні ў Данецку, Харкаве або Луганску выліваюцца ў гвалт, вымушаючы Пуціна стрымаць абяцанне "абараняць" рускіх ва Украіне (ці даючы яму падставу зрабіць гэта)".

"Еўрапейцам трэба на час забыцца пра свае ўнутраныя праблемы і разам з Вашынгтонам узгадніць пакет сур'ёзных, суровых санкцый, які можна будзе прымяніць адразу ж, як толькі ўзнікне такая неабходнасць. Яны павінны ўключаць у сябе абмежаванне доступу да заходніх фінансавых рынкаў для расейскіх банкаў і карпарацый", - падводзіць вынік выданне.