Вызваленне адміністрацыі ў Харкаве (Відэа)
9- 8.04.2014, 13:43
- 17,464
У інтэрнэце з'явілася відэа, знятае пасля вызвалення будынка абласной адміністрацыі ў Харкаве.
На ім паказаныя арыштаваныя сепаратысты і рэчы, якія былі знойдзеныя ў памяшканнях. Відаць зброю баявікоў - пісталеты і дубінкі. Сам будынак моцна пашкоджаны - шкло ў многіх дзвярах і вокнах выбіта, бачныя сляды ад пажару.
Нагадаем, сёння каля 6:30 раніцы спецпадраздзяленні МУС Украіны вызвалілі будынак ад захопнікаў. Падчас спецаперацыі пацярпелі міліцыянты. Раненні атрымалі тры праваахоўнікі, у тым ліку адзін - цяжкія.
"Без адзінага стрэлу, гранат і іншых спецсродкаў. 70 затрыманых. Канфіскаваная зброя. У тым ліку лідар сепаратыстскай групы УУБ (Украінскі ўсходні блок) Логінаў. Будынак АГА ўзяты пад узброеную ахову з аўтаматычнай зброяй", - адзначыў кіраўнік МЗС Украіны Арсэн Авакаў.
Аперацыю праводзіла спецпадраздзяленне, перадыслакаванае ў Харкаў у складзе агульнай групоўкі сіл МУС, якую пачалі перамяшчаць на ўсход краіны для абароны ад сепаратысцкага бунту.