СБУ масава затрымлівае расейскіх шпіёнаў і дыверсантаў

Замежныя шпіёны і дыверсанты апанавалі Украіну: іх затрымліваюць у Кіеве, Львове, Адэсе і Чарнігаве.

Пра гэта паведамляе ТСН са спасылкай на праграму "Гроші".

Па дадзеных СБУ, іх колькасць значна павялічылася на тэрыторыі Украіны.

"За апошні месяц мы затрымалі такую колькасць дыверсійных груп шпіёнаў і дыверсантаў, якую затрымлівалі за ўсе часы незалежнасці Украіны", - паведаміла кіраўнік прэс-цэнтра СБУ Марына Астапенка.

Яна дадала, што дыверсанты і шпіёны прыбываюць ва Украіну для збору інфармацыі аб рухах воінскіх частак, іх размяшчэнні, атрыманне інфармацыі з грыфам "Сакрэтна", дэстабілізацыі грамадска-палітычнай сітуацыі ў дзяржаве, а таксама вярбоўкі нашых грамадзян, перадачы ім грошай, выбухоўкі, зброі .

Замежнікаў, якія маюць задачу разбурыць Украіну, настолькі шмат, што СБУ і міліцыя проста не паспяваюць лавіць іх. Складанасцяў дадае той факт, што многія фсбшнікі маюць украінскае грамадзянства. Нядаўна народны дэпутат Аляксандр Брыгінец паведаміў, што па ўказанні Януковіча пяць тысяч пашпартоў былі выдадзеныя супрацоўнікам ФСБ. Таму не дзіўна, што ў выходныя ва ўсходніх абласцях прарасейскія сілы ўсё ж захапілі некаторыя органы ўлады.