Рускіх нацыяналістаў вярбуюць на беспарадкі ва Украіне

Час «ч» - бліжэйшыя выходныя.

Пра гэта ў блогу на «Эхо Москвы» напісала грамадскі дзеяч Ларыса Трубіцына.

«Сёння майму знаёмаму нацыяналісту патэлефанавалі і прапанавалі ўдзел у трэнінгу з наступнай паездкай ва Украіну. Мяркуецца, што нацыяналісты настолькі тупыя, што павераць у міфічным «бандэраўцам» на Паўднёва-Усходзе і паедуць абараняць там рускамоўных.

Тут арганізатары абламаліся. Валагодскія рускія нацыяналістычныя арганізацыі адзіныя ў разуменні сітуацыі:

1. На бліжэйшыя выходныя 12-13 красавіка запланаваная крывавая правакацыя з мэтай увесці войскі.

2. Пагрозы жыццю рускамоўных няма, бандэраўцаў на Паўднёва-Усходзе няма, і вялікае пытанне, ці ёсць яны наогул ва Украіне ў значнай колькасці.

3. Механізмы абароны грамадзянскіх правоў, у тым ліку права на рускую мову, ёсць. Ва Украіне ў адрозненне ад Расеі не забароненыя мітынгі і наогул прызначаныя выбары.

4. Для федэралізацыі-незалежнасці-далучэння да Расеі таксама ёсць механізмы, а калі не атрымаецца, значыць дрэнна хацелі. Гэта не варта нічыёй крыві, тым больш, гл. п.2 , «бандэраўцаў» няма, значыць праліваць давялося б брацкую кроў.

5. Незразумела, каго і ад каго абараняць ва Украіне. Дзейнасць сепаратыстаў каардынуюць мутныя людзі, якія ставяць у віну мітынгоўцам дзіўныя лозунгі тыпу вяртання Януковіча. У выніку рускія нацыяналістычныя арганізацыі ва Украіне (з імі, вядома, падтрымліваецца сувязь) у стане расколу. Ёсць верагоднасць, блізкая да 100%, што загады аддае ФСБ.

6. Нельга падтрымліваць і ўзмацняць Пуціна, гэта супярэчыць нацыянальным інтарэсам рускіх.

Мой знаёмы - ну вельмі слабы нацыяналіст, гэта значыць, што вербавальную сетку раскінулі зусім шырока. Усе пяцёра, ці колькі іх у Волагдзе, радыкальных імперцаў, ужо занесеныя ў стоп-лісты на ўкраінскай мяжы, так што патрэбныя незасвечаныя асобы. Відавочна, што вярбоўка адбываецца і ў іншых рэгіёнах Расеі. Калі ў вас ёсць знаёмыя з нацыяналістычнымі або імперскімі поглядамі, патэлефануйце ім цяпер: сустрэча ў Маскве ўжо паслязаўтра. Не дапусціце, каб вашы родныя і сябры былі выкарыстаныя бруднымі палітыкамі ў крывавых правакацыях», - напісала яна.