Траціну харкаўскай міліцыі звольняць за сабатаж

Міністр унутраных спраў Украіны мае намер звольніць 30% асабовага складу харкаўскай міліцыі за сабатаж падчас масавых беспарадкаў у Харкаве.

«Харкаўскі «Беркут», як і ўся харкаўская міліцыя, мае патрэбу ў новым позірку. Я ўчора канстатаваў тое, што значная частка міліцыі не столькі служыла Радзіме, колькі сабатавала працэс. І гэты факт мае патрэбу ў маёй рэакцыі. Я думаю, што 30% харкаўскай міліцыі сыдзе, а на яе месца будзе закліканая іншая міліцыя», - заявіў ён на брыфінгу.

У той жа час ён адзначыў, што падчас ліквідацыі беспарадкаў былі іншыя міліцыянты, якія «ў ходзе антытэрарыстычнай аперацыі праявілі сябе як сапраўдныя патрыёты, гатовыя служыць Радзіме. Таму не варта раўняць усіх пад адзін грэбень. Гэты працэс складаны, але мы будзем яго праводзіць».

6-7 красавіка ў Харкаве агрэсіўна настроеныя маладыя людзі з прарасейскімі лозунгамі захапілі абласную адміністрацыю, разграмілі тэлекампанію АТН, жорстка збілі ўдзельнікаў мітынгу за адзінства Украіны. Па словах відавочцаў, мясцовая міліцыя практычна не перашкаджала гэтым бясчынствам.