МЗС: Мапуту цікавіцца намі

Мазамбік выяўляе асаблівую цікавасць да прадукцыі беларускага машынабудавання.

Пра гэта паведамілі ў прэс-службе Міністэрства замежных спраў Беларусі.

"У МЗС адбылася сустрэча намесніка міністра замежных спраў Валянціна Рыбакова з Надзвычайным і Паўнамоцным Паслом Мазамбіка ў Беларусі з рэзідэнцыяй у Маскве Марыё Сарайва Нгуэнья" , - распавялі ў міністэрстве.

Падчас перамоваў Марыё Сарайва Нгуэнья адзначыў папулярнасць, якой карыстаецца стала дзеючая з траўня 2013 года ў сталіцы Мазамбіка Мапуту выстава-продаж беларускай тэхнікі і абсталявання.

Пасол Мазамбіка таксама ўручыў копіі даверчых лістоў намесніку кіраўніка замежнапалітычнай установы Беларусі.