Масква абяцае вярнуць Кіеву ўсе захопленыя ў Крыме самалёты і караблі
5- 8.04.2014, 20:57
- 15,546
Дасягнутая прынцыповая дамоўленасць аб вывадзе ўсіх украінскіх караблёў з Крыму.
Пра гэта паведаміў в.а. намесніка кіраўніка адміністрацыі прэзідэнта Украіны Андрэй Сенчанка, паведамляе «Украінская праўда».
«У нас дасягнутая прынцыповая дамоўленасць, што выводзяць усе ўкраінскія караблі, - сказаў ён. - Згодна з планам першай партыяй выводзяць карвет «Тэрнопаль», ракетны катэр «Прылукі» і танкер «Фастаў».
Паводле ягоных слоў, гэта тыя караблі, якія знаходзяцца ў Севастопалі.
У той жа час кіраўнік медыя-цэнтра Мінабароны Украіны ў Крыме Уладзіслаў Селязнёў паведаміў таксама, што дасягнутая дамоўленасць і аб вывадзе ўкраінскіх самалётаў.
«Адзін самалёт паляціць сваім ходам пасля тэхабслугоўвання, яшчэ некалькі будуць перавезеныя наземным транспартам», - сказаў ён.
Раней Міністэрства замежных спраў Расейскай Федэрацыі пацвердзіла гатоўнасць расейскага боку перадаць Украіне вайсковую маёмасць Узброеных Сіл Украіны, што засталася ў Крыме.
«Расейская старана пацвердзіла гатоўнасць да перадачы Украіне вайсковай маёмасці Узброеных Сіл Украіны, што засталася ў Крыме», - гаворыцца ў паведамленні прэс-службы расейскага МЗС.