Рабочыя з Бангладэш бягуць ад беларускіх заробкаў

Рабочыя, якія папрацавалі некалькі месяцаў на Баранавіцкім вытворчым баваўняным прадпрыемстве, з'язджаюць на радзіму.

Маладыя ткачы з Бангладэш не задаволеныя не толькі сваімі вельмі нізкімі заробкамі, але і тым, што ўмовы кантракту моцна парушаныя. Яны сцвярджаюць, што ім абяцалі заробак блізу 1000$, а калі прыехалі на мясцовае баваўнянае прадпрыемства, то працаўнікам паведамілі, што атрымаюць за месяц толькі 500$. Праз месяц высветлілася, што ткачы з Бангладэш атрымалі на рукі ўсяго 100$, піша ПЦ «Вясна».

Маладыя імігранты звярнуліся ў гарадскую міліцыю, але там параілі развязваць эканамічныя праблемы з адміністрацыяй завода. Але трапіць да завадскога начальству выявілася немагчымым, тым больш, са слоў маладых рабочых, што ў іх адабралі пашпарты. Таму ткачы з Бангладэш распавядаюць пра свае праблемы карэспандэнту недзяржаўнай газеты Intex-press.

Аднак пасля сустрэчы з мясцовымі журналістамі ткачам з Бангладэш паведамілі, што ўсе яны неўзабаве вернуцца дадому.