У Instagram з'явілася першае «сэлфі» з космасу

Амерыканскі астранаўт Стывен Суонсан, які знаходзіцца на Міжнароднай касмічнай станцыі, загрузіў у Instagram першае касмічнае «сэлфі».

Пра гэта паведамляе партал Gizmodo.com. Прадстаўнікі Instagram пацвердзілі, што гэтая фатаграфія стала першай у гісторыі сэрвісу, загружанай непасрэдна з космасу.

«Вярнуўся на МКС. Жыццё добрае», - напісаў Суонсан у каментары да свайго здымку. За спінай астранаўта бачны акіян і невялікія аблокі.

Стывен Суонсан - амерыканскі астранаўт, які здзейсніў два касмічных палёты ў 2007 і 2009 гадах агульнай працягласцю 26 сутак 15 гадзін 42 хвіліны 25 секунд.