Прафесара Бранскага дзяржуніверсітэта будуць судзіць па законах шарыяту
13- 9.04.2014, 9:50
- 14,464
Загадчык кафедры юрыдычнага факультэта Бранскага дзяржаўнага ўніверсітэта Аляксандр Гарбачоў апынуўся ў іраксай турме.
Ён трапіў туды за спробу вывезці з краіны некалькі чарапкоў, знойдзеных на зямлі. Пра гэта паведамляе "Інтэрфакс" са спасылкай на крыніцу ў навучальнай установе. Гэтую інфармацыю пацвердзілі ў рэктараце ВНУ, адзначае агенцтва.
"Аляксандр Мікалаевіч паехаў з жонкай у Егіпет, а адтуль яны здзейснілі турыстычную паездку ў Ірак. Там ён, падчас экскурсіі, падняў з зямлі некалькі чарапкоў. На мытні яго затрымалі, аргументуючы гэта тым, што канфіскаваныя прадметы могуць мець культурную і гістарычную каштоўнасць", - адзначыў суразмоўца агенцтва.
Цяпер, паводле яго слоў, Аляксандр Гарбачоў чакае шарыяцкага суда.
Вынікі экспертызы канфіскаваных у яго прадметаў павінны былі паступіць 4 красавіка, аднак іх няма да гэтага часу.
Папярэдняе пасяджэнне суда, па дадзеных ірацкага боку, адбудзецца 10 красавіка.