Памёр 105-ы баец Нябеснай сотні
5- 9.04.2014, 10:34
- 11,436
Напярэдадні памёр яшчэ адзін пацярпелы падчас пратэстаў у Кіеве.
Колькасць ахвяраў акцый пратэстаў ва Украіне па стане на 9 красавіка павялічылася да 105 чалавек, паведамляе 9 красавіка прэс-служба Міністэрства аховы здароўя Украіны.
«Паводле аператыўных дадзеных з 30 лістапада 2013 загінула і памерла на тэрыторыі Украіны 105 чалавек», - гаворыцца ў паведамленні Міністэрства аховы здароўя.
Па стане на 06.00 серады, 9 красавіка, з 18 лютага з месца абвастрэння сутыкненняў у цэнтры горада Кіева да брыгад экстранай медыцынскай дапамогі і ўстаноў аховы здароўя горада Кіева па медыцынскую дапамогу звярнуліся 1737 пацярпелых, 1155 з іх былі шпіталізаваныя.
На лячэнні ва ўстановах аховы здароўя г. Кіева па стане на 9 красавіка знаходзіцца 98 чалавек.
За апошнія суткі па стане на 9 красавіка па медыцынскую дапамогу да брыгад экстранай медыцынскай дапамогі звярнулася 11 чалавек, 6 з іх шпіталізаваныя, адбыўся 1 лятальны выпадак.
Нагадаем, учора Міністэрства аховы здароўя паведаміла пра смерць 104-га байца Нябеснай сотні.
Фота: obozrevatel.com