«Рэгіяналы» патрабуюць амністыі для сепаратыстаў

Адпаведны законапраект унесены ў парламент Украіны.

Дэпутаты Партыі рэгіёнаў унеслі ў Вярхоўную Раду праект закона Пра адхіленне негатыўных наступстваў і недапушчэнне пераследу і пакарання з нагоды падзей, якія мелі месца падчас правядзення мірных сходаў (рэгістрацыйны нумар 4667), адпаведны законапраект абнародаваны на сайце парламента ў сераду, 9 красавіка, піша "Корреспондент".

У прыватнасці, згодна з законапраектам вызваляюцца ад крымінальнай адказнасці ўдзельнікі акцый па захопе будынкаў абласных дзяржаўных адміністрацый на ўсходзе Украіны.

Аўтары законапраекта - рэгіяналы Міхаіл Добкін, Нестар Шуфрыч, Уладзімір Мядзянік, Яўген Мураеў.

У сераду, 9 красавіка, Шуфрыч таксама заявіў, што ПР у парламенце будзе настойваць на прыняцці этего законапраекта.

"Людзі на паўднёвым усходзе выказалі свой пратэст. На жаль, пратэсты выліліся ў захопы АГА ў Данецку, Луганску і Харкаве... Сёння сітуацыя такая ж, як была і тады (падчас пратэстаў на Майдане)... Таму мы павінны паслаць выразны сігнал людзям, якія выйшлі на акцыі пратэсту, прыняць закон аб іх амністыі", - цытуе яго выданне Левый берег.

Нардэп паведаміў, што па перакананні Партыі рэгіёнаў, іншага шляху ўрэгуляваць сітуацыю, якая склалася, няма.

"Мы даем магчымасць людзям, якія знаходзяцца ў будынках АГА і СБУ ў Данецкай, Луганскай і Харкаўскай абласцях, выйсці і не баяцца, што іх будуць пераследваць... Гэты закон накіраваны выключна на праяву гуманізму", - падкрэсліў Шуфрыч.

У нядзелю 6 красавіка, у Данецку і Луганску адбыліся шматтысячныя мітынгі, у выніку якіх сепаратысты, якія не прызнаюць уладу ў Кіеве, пачалі захоп будынкаў дзяржаўнай улады.