Беларусы пачнуць плаціць за газ і электрычнасць у поўным аб'ёме

Цалкам аплачваць паслугі па газа- і электразабеспячэнню беларусы, як плануецца, пачнуць з 2015 года.

Пра гэта сёння падчас прамой лініі, арганізаванай у газеце "СБ. Беларусь сегодня", паведаміў намеснік прэм'ер-міністра Беларусі Анатоль Калінін, перадае карэспандэнт БелТА.

"На 100% мы плануем выйсці ў 2015 годзе - гэта будуць паслугі па забеспячэнні электрычнасцю і газам", - сказаў Анатоль Калінін. Усё астатняе будзе аплачвацца насельніцтвам арыенціровачна на 60%. Паводле інфармацыі віцэ-прэм'ера, у цяперашні час беларусы пакрываюць прыкладна 28% рэальнага кошту камунальных паслуг.

Анатоль Калінін падкрэсліў, што ў Беларусі прынятыя дакладныя крытэры росту тарыфаў на жыллёва-камунальныя паслугі.

"Па даручэнні прэзідэнта пазначана $5 плюс індэксацыя ў залежнасці ад змянення коштаў. Карэнных змяненняў акрамя $5 не адбудзецца", - запэўніў віцэ-прэм'ер.