Беларусь праводзіць вучэнні сіл хуткага разгортвання
11- 9.04.2014, 16:29
- 12,064
Адпаведныя падраздзяленні прыводзяцца ў баявую гатоўнасць.
Пра гэта паведамляе БелТА са спасылкай на Міністэрства абароны.
Сілы неадкладнага рэагавання і хуткага разгортвання ў далейшым зробяць маршы на палігоны, дзе будуць праведзеныя кантрольныя заняткі па тактычнай, агнявой і фізічнай падрыхтоўцы.
Ва Узброеных Сілах Беларусі працягваецца праверка боегатоўнасці, распачатая са студзеня бягучага года па даручэнні Лукашэнкі.
Першыя два месяцы выпрабоўвалася гатоўнасць органаў кіравання, сегмента супрацьпаветранай абароны, а таксама органаў кіравання і падраздзяленняў тэрытарыяльнай абароны. Пасля гэтага правяралася адзіная рэгіянальная сістэма СПА Беларусі і Расеі.
Пры праверцы галоўным чынам ацэньвалася гатоўнасць узбраення і ваеннай тэхнікі да баявога прымянення.