У расейца ў Віцебску канфіскавалі 100 бутэлек кантрафактнага віна

Грамадзянін Расеі на сваім BMW X5 перавозіў 20 літраў вадкасці з утрыманнем спірту і 102 бутэлькі розных вінаў.

Алкаголь не быў маркіраваны ва ўстаноўленым парадку акцызнымі маркамі Рэспублікі Беларусь, пішуць «Народныя навіны Віцебска».

Парушальнік быў устаноўлены інспекцыяй МПЗ па Першамайскім раёне Віцебска сумесна з супрацоўнікамі АМАП ППСМ УУС Вітаблвыканкама, ДПС ДАІ УУС Вітаблвыканкама. У яго канфіскаваныя і арыштаваныя спіртазмяшчальная прадукцыя і алкагольныя напоі.

У дачыненні да расейца былі складзеныя пратаколы аб адміністрацыйных правапарушэннях па частцы 2 артыкула 12.27 і частцы 3 артыкула 12.27 КоАП.

Матэрыялы праверкі накіраваныя ў суд Першамайскага раёна Віцебска для разгляду па сутнасці, паведамляе прэс-цэнтр інспекцыі МПЗ па Віцебскай вобласці.