Беларусы не хочуць адпачываць у акупаваным Крыме
66- 9.04.2014, 18:10
- 45,723
Турагенцтвы Беларусі адмаўляюцца ад тураў на паўвыспе, якую анэксавала Расея.
Сайт charter97.org даведаўся, ці карыстаюцца попытам пуцёўкі на крымскія курорты напярэдадні сезону адпачынкаў.
«Туры ў Крым пакуль яшчэ пад пытаннем. Калі ва Украіне ўсё будзе добра, то, вядома, нашы турысты паедуць. Калі ж не, то, натуральна, не паедуць», - сказалі карэспандэнту charter97.org у турыстычным агенцтве «Любы тур».
У турфірме «Магелан» адзначылі, што «з Крымам не працуюць».
«Але наогул, наколькі мы ведаем, агенцтвы, якія спецыялізаваліся на ім, цяпер мяняюць напрамкі», - запэўнілі там.
У заснаванай адміністрацыяй Лукашэнкі турыстычнай кампаніі «Цэнтркурорт» таксама канстатавалі падзенне попыту на пуцёўкі ў санаторыі і пансіянаты Крымскай паўвыспы.
«Мы робім туры ў Крым, але ў гэтым годзе попыт на іх, вядома, паменшыўся», - паведамілі там.