«Турыстаў» з Расеі не прапусцяць ва Украіну
13- 9.04.2014, 19:25
- 25,687
Дзяржаўная памежная служба прымае вычарпальныя меры ў ахове дзяржаўнай мяжы Украіны.
Пра гэта паведамілі ў прэс-службе ведамства, паведамляе Укрінформ.
«Усе мерапрыемствы праводзяцца з мэтай недапушчэння асоб, якія могуць удзельнічаць у дэстабілізацыі абстаноўкі ва Украіне, перавозцы зброі, боепрыпасаў, выбуховых рэчываў і іншых забароненых прадметаў. Узмоцненая праверка праводзіцца супрацоўнікамі Дзяржаўнай памежнай службы сумесна з падраздзяленнямі УС Украіны, МУС і СБУ ў пунктах пропуску на мяжы з Расеяй, аэрапортах і тых грамадзян, якія пранікаюць з Аўтаномнай Рэспублікі Крым», - паведамляюць памежнікі.
Адзначаецца таксама, што падчас кантролю на мяжы з паўвыспай старанна правяраюць транспартныя сродкі і дакументы асоб.
«Асабліва ўлічваючы, што тыя асобы, якія ўжо бралі ўдзел у экстрэмісцкіх мерапрыемствах у Крыме, могуць накіроўвацца ў іншыя рэгіёны Украіны для радыкальных мерапрыемстваў і мець пры сабе сапраўдныя пашпарты грамадзян Украіны», - падкрэслілі ў ведамстве.