Пуцін ляціць у Кіеў?
111- 20.07.2014, 18:38
- 70,787
Прэзідэнт Расеі, магчыма, вылецеў ва Украіну для сустрэчы з Пятром Парашэнкам.
Пра візіт паведаміў уладальнік расейскага тэлеканала «Дождж» Аляксандр Вінакураў на сваёй старонцы ў сетцы мікраблогаў «Твітэр».
Президент Путин позвонил Порошенко и вылетел в Киев, чтобы обсудить с украинским коллегой варианты мирного разрешения конфликта на Донбассе
— Винокуров Александр (@Vinokurov12) 20 июля 2014
Паводле ягоных звестак, Уладзімір Пуцін і Пётр Парашэнка пагутараць пра варыянты мірнага вырашэння канфлікту на Данбасе.
Разам з тым ніякай інфармацыі пра візіт у Кіеў на расейскіх інфармагенцтвах няма, прэс-служба Крамля пра візіт таксама не паведамляе. У прэс-службе прэзідэнта Украіны каментар адносна магчымай сустрэчы Парашэнкі з Пуціным таксама атрымаць не ўдалося, піша УНП.
Міністэрству замежных спраў Украіны нічога невядома аб магчымым прыездзе прэзідэнта Расеі.