«Рэал» прадаў 345 тысяч футболак Хамеса Радрыгеса за два дні

У сярэднім «Рэал» прадае 7187 футболак пачаткоўца за гадзіну коштам у 60 фунтаў (75 еўра) кожная.

«Рэал» прадаў 345 тысяч клубных футболак калумбійскага форварда Хамеса Радрыгеса цягам 48 гадзін пасля яго прэзентацыі ў якасці пачаткоўца мадрыдскага клуба, якая адбылася 22 ліпеня. Пра гэта паведамляе The Telegraph.

У сярэднім «Рэал» прадае 7187 футболак пачаткоўца за гадзіну коштам ў 60 фунтаў (75 еўра) кожная. У агулам гэтыя продажы ўжо прынеслі даход у суме 20,7 мільёна фунтаў стэрлінгаў (25,2 мільёна еўра), піша Lenta.ru.

Чакаецца, што Хамес Радрыгес зможа дагнаць у гэтым паказчыку Крышціяну Раналду. За час гульні партугальца ў «Рэале» было прададзена больш за мільён ягоных футболак.

Кантракт з калумбійцам укладзены на шэсць гадоў. Сума трансферу Хамеса ацэньваецца ў 80 мільёнаў еўра. Раней паведамлялася, што ягоны заробак у Мадрыдзе складзе сем мільёнаў еўра ў год.

Хамес Радрыгес стаў лепшым бамбардзірам чэмпіянату свету-2014 з шасцю забітымі мячамі, а зборная Калумбіі, за якую выступаў гулец, дайшла да 1/4 фіналу, дзе саступіла Бразіліі (1:2).

Фота: AFP