Андрэй Макарэвіч: Гаварыць з Пуціным бессэнсоўна
16- 28.07.2014, 9:07
- 42,385
Лідэр гурта «Машына часу» назваў сітуацыю ў Расеі «дурдомам».
Пра гэта Андрэй Макарэвіч заявіў у эфіры тэлеканала «Дождж».
«Мяне турбуе, што краіна коціцца чорт ведае куды, на вачах проста, і быццам бы не Пуцін яе туды вось гоніць, але быццам бы ён і не супраць. Я ж не думаю, што ён для нашай Думы складае праекты законаў. Мабыць, яго гэта не раздражняе, хоць гэта, па-мойму, дурдом на волі проста», - заявіў ён.
На пытанне аб тым, што б ён спытаў ці распавёў Пуціну, Макарэвіч адказаў, што нават маючы такую магчымасць, не захацеў бы нічога пытацца ў расейскага прэзідэнта. Гаварыць з Пуціным таксама бессэнсоўна, бо рэчаў, падобных да тых, што адбываюцца ў Думе ў Расеі вельмі шмат, мяркуе рок-музыка.
«Гэта як бы за дужкамі ўсёй украінскай гісторыі ды іншага», - дадаў ён.